Paris Saint-Germain e ka “demoluar” Real Madridin, duke e mposhtur me rezultat 4-0 në ndeshjen gjysmëfinale të Kupës së Botës për Klube.

PSG lojën e kreu në pjesën e parë ku i realizoi që të tre golat, shkruan Arbresh.info.

Fillimisht, Fabian Ruiz shënoi pas gjashtë minutash lojë, pas një gabimi amatoresk të Raul Asencios.

Kurse tre minuta më vonë, një tjetër gabim i Rudgerit i kushtoi me gol Real Madridit, këtë herë shënoi Ousmane Dembele.

Parisi nuk pati të ndalur dhe pas 25 minutash, shënoi edhe golin e tretë me anë të Fabian Ruizit, i cili shënoi golin e dytë personal.

Pjesa e dytë ishte më e qetë. Reali rrezikoi disa herë por Donnarumma ishte në vend.

Tre minuta para fundit, Parisi vulosi fitoren me rezultat 4-0, ku shënoi Goncalo Ramos. Deri në fund më nuk pati gola.

Në finale Parisi do të luaj me Chelsean. Kjo ndeshje zhvillohet të dielën me fillim nga ora 21:00./Arbresh.info